حكاية الامير الذهبي bilirubin
● نبذة عن عائلة -: bilirubin
كان ياما كان , كان في عائلة ملكة اسمها RBCs وكان فيها حاكم اسمة Hemoglobin , الحاكم دة مات في معركة في ال liver ,spleen ,bone marrow وكان ليه ابنين: واحد اسمه globin والتاني اسمه heme , globin مات وكان ليه اولاد اسمهم amino acids بس دول ضاعوا وانحرفوا بعد موت ابوهم --> فملناش دعوة بيهم.
أما الابن heme لما مات (وده كان بسبب انه اتأكسد ورما الحديد اللي معاه) كان سايب ابن بيحب اللون الاخضر وديما بيلبس اخضر في أخضر وده كان اسمه biliverdin بس للاسف مع الزمن مات biliverdin مخنوق بعد ما أختزل ب biliverdin reductase ,بس كان ليه ابن أمير كان ديما بيلبس دهب وكان لونه اصفر زي صفار الدهب الامع , ودة الامير الجميل اللي قصتنا هدور حوليه النهردة وهو الامير bilirubin الدهبي.
●حكاية الامير bilirubin :-
في يوم من الايام حب الامير الدهبي bilirubin انه يخرج مع حبيبته , فلبس الدهب بتاعة ونزل زي عادته ووقف تاكسي اللي اسمه (plasma albumin) اللي مشي بيه في شوارع blood circulation }وعشان هو راكب في تاكسي (plasma albumin) فمعنى كدة انه هو مش بيتحكم في طريقه او مش هو اللي سايق التاكسي فهو اسمه indirect bilirubin ,كما انه ماشي لوحده مش مع حبيبته اللي هيقابلها بعد كده(glucuronic acid) ,اذا˝ هو unconjugated { ,المهم وصل التاكسي plasma albumin لحاد بيت حبيبته في حي liver (اللي مات فيه جدة الاكبر hemoglobin ), المهم راح وقابل حبيبته اللي اسمها glucuronic acid وخرجوا مع بعض وكونوا شله اسمها bilirubin diglucuronides (ولانهم مش ركبين حاجه او خرجين مشي و بيتحكموا في مشيهم فهما direct bilirubin ,كما انهم مسكين ايد بعض زي الحبيبه ما بيعملوا ,اذا˝ همه conjugated ) , المهم خرجوا بره بيتهم اللي في حي liver وعبروا جسر bile canaliculi ووصلوا لنهر ال bile اللي عبروه عوم (active transport) ,وفي الاخر خرجوا من حي الliver ووصلوا لشوارع ال intestine.
وفجأه وهمه مشيين في شارع مظلم من شوارع ال intestine طلعلهم غول كبير اسمه intestinal bacteria ,الغول ده كان بيحب يعكنن على الحبيبه ,فأم راشش في وشهم ماده انزيميه اسمها β-glucuronidase فقتل حبيبتهglucuronides وسرق كل الدهب اللي مع الامير bilirubin, فبقى bilirubin لوحدة وفقد حبيبته glucuronides وفقد كل الدهب اللي معاه , فأم ملامح وشه اتغيرت وشكله ولونه اتغير وبقى عديم اللون colorless واتحول لشكل تاني خالص اسمه urobilirogen العديم اللون الهمدان نتيجه انه أختزل (reduction)
ففكر urobilirogen (direct bilirubin مختزل) في 3 افكار على انه يقرر حاجة منهم :-
1- اما انه يستخدم أله زمن (enterohepatic urobilirogen cycle) فيرجع بالزمن لوقت لما كان في حي ال liver ويتحول ل bilirubin الدهبي تاني ويقابل حبيبته تاني ويعيد خرجته
2- او ينتحر ويرمي نفسه في بلاعة المجاري large intestine ويخنق نفسه بالاكسدة (oxidation) (زي اللي عمله جده (heme فيتحول لجثه معفنه لونها لون البراز البني العفن (brown) ويبقى اسمه fecal urobilin (stercobilin) اللي هيخرج في البراز(stool)
3- او يجرب السفر بره زي نص الشعب ما بيعمل ,فيسافر لمدينة kidney عن طريق مرسى السفن اللي في حي ال liver ويسافر عن طريق ال blood (يعني سفر بحري) ويوصل لمدينة kidney ويكون نفسه من جديد ويحول نفسه ل urine urobilirogen ويشتري لنفسه شوية دهب تاني (بس المره ده فلصو عشان لونه اصفر فاتحyellow مش اصفر دهبي golden yellow زي ال bilirubin الاصلي) ويتحول الى urine urobilin فيخرج من المحنة اللي هو فيها ويخرج في البول.
●النهاية:-
وفي نهاية الامر قرر ال urobilirogen فكرة من ال3 افكار اللي اقترحهم , وبعد مرور الزمن مات وتركلنا القصة ده ومعاها المخطط اللي في الصفحة التانية عشان نعرف ازاي اتكون وازاي بيتحول لاشكاله المختلفة وازاي مات وازاي هيخرج من الجسم في الاخر .
مخطط حكاية الامير الذهبي bilirubin
(تأليف واخراج : طالب بالفرقة الثالثة بكلية التلخيص والتخليص FOMSCU)
Cooked By: Dr.Casper
ليست هناك تعليقات:
إرسال تعليق